Azterketak

Azterketek ikasleek landutako gaitegia barneratu duten ala ez islatzen dute. Horrela, irakasleek lortzen duten lehenengo datua hauek erabilitako metodologiaren eraginkortasuna da. Zoritxarrez, emaitza kaskar bat jasotzean, ikasle eta gurasoek ikusten duten bakarra haurraren porrota da.

Azterketa prestatzen

Azterketa baino lehen gaitegiari errepasotxo bat ematea komenigarria da. Sarritan umeek azterketa dutela ahazten dute edota ez dute batere argi zer den azterketan sartuko dena. Beste batzuetan, nerabeek frogarako errepasoa zokoratzea erabakitzen dute. Guraso gisa azterketen inguruan jarraipen bat egitea garrantzitsua da. Horrexegatik, galderak egitea eta zure jakingura erakustea komenigarria da.
Umeek azterketak izan ditzakete ikasteko ohitura izan aurretik. Etxerako lanak egitea lagungarria izan daiteke azterketen prestakuntzarako, baino ez du ikasketa ordezkatzen.

Zer egin dezaket?

Emaitza kaxkar bat jaso ondoren eta zure seme-alabak zailtasunak dituela edota irakaslea txarra dela erabaki aurretik, saia zaitez zerrenda labur honi erantzuten:
Zure seme-alabak ba al zekien zein zen azterketaren gaitegia?
Zure seme-alabak gogoan zuen azterketaren data?
Zure seme-alabak froga horretan sartuko ziren alorrak ikasteari tartetxo bat eskaini zion? Hauetako edozein galderaren erantzuna ezetz bada, konponbidea erraza da. Azterketa ondo prestatzeari denbora eskaini iezaiozu.
Erantzuna baietz bada proposatutako hiru galderei, 2 edo 3 emaitza kaxkar jaso eta gero, ez ezazu gehiegi itxaron, arazoa konpontzen saia zaitez berehala! Posta elektronikoz azal diezaizkiozu zure kezkak tutoreari, galdetu zertan jardun dezakezun laguntzeko eta ez ezazu arazoa zokoratu, irakaslearekin batera lan egin ezazu akatsa zuzentzeko.