Motibazioa

Jendeak gozarazten duten eta ondo sentiarazten duten gauzak gogoko ditu. Bada zure seme-alaba motibatua ez sentitzeko arrazoirik? Gogorregia iruditzen zaio eskola? Zuk zeuk edo irakasle batek bere etxerako lana errepasatzen lagun dezakezue. Aspergarria iruditzen zaio? Etretenigarria bihur ezazu! Jokuetara jolastu eta irakur itzazue istorioak ingelesez. Sariak eta pizgarriak eskaini iezazkiozu langilea izateagatik edota ingelesa praktikatzeagatik. Goretsi itzazu bere lana eta lorpenak ingelesean.

Jarrera

Txikitxoek gurasoek atsegin dituzten gauzak gogoko dituzte. Beraz gogoratu, zuk zeuk ere ingelesean arazoak izan zenituela etengabe errepikatuz gero, berak ere arazo berberak bere gain har ditzake. Batzuetan keinu bakar batekin aski da jarrera ezezkor bat pizteko. Oso garrantzitsua da, guraso gisa, hizkuntzaren ikasketa prozesuarekiko iritzi baikorra adieraztea. Era berean, ingelesarekin lotura duten ekintza kultural eta sozialen inguruko iritzi irekia edukitzea gomendagarria da, haietan hizkuntzaren erabilera praktikoa somatzen baita; Halloween-eko kuia (kalabaza) prestatzeari edota Santa Klaus bat margotzeari uko eginez gero, kultura baztertzen ikasiko du, eta ondorioz, hizkuntza bera ere bai. Inguratzen zaituzten ohituren inguruan hausnarketa bat bideratzea lagungarria da, herri bati nortasuna ematen dioten usadioen aniztasuna eta jatorri ezberdinen gainean gogoeta bat bideratzeko. Soilik orduan ohartuko zara zeinen aberasgarria den inguruko ohituren berri jakitea eta zapore berriak dastatzea, ez baitu suposatzen zure ohiturak ordezkatzeko beharrik dagoela, osagarriak direlako.

Gozamena

Inishouseko helburu nagusietako bat ingelesa ikastean ondo pasatzea da, antzerkiak prestatuz, aurkezpenak eginez, interneten agirtalpenak idatziz, jokuetara jolastuz, ipuinak entzunez, rol trukeak eginez, inkestak betez, ingeles erraz eta eskuragarri baten bidez. Hiztegia eta gramatika birpasatzeko jolasak egiten ditugun arren, ez ditugu ikasleak datorren azterketarako prestatzen! Gure xedea umeak ingelesez solastera motibatzea da.